Sheikh Bala Lau ya ziyarci filin masallacin da aka rusa a garin PortHarcourt

Daga Ibrahim Baba Suleiman

Shugaban kungiyar IZALA Sheikh (Dr) Abdullahi Bala Lau da tawagarsa, ya ziyarci filin da gwamnatin jihar Rivers ta rusa Masallaci inda dubannin Al’ummar musulmi ke gudanar da salloli biyar tare da sallar juma’a a wajen.

Sheikh Bala Lau ya nuna matukar kaduwa da yaga lamarin a zahiri, ya kuma kira al’ummar musulmi mazauna Portharcort da su zama Masu bin doka da oda, su jira har zuwa lokacin da shugabanni zasu tuntube su.

Shugaban Ya kuma yi kira ga gwamnatin jihar Rivers da tayi gaggawan bada daman Gina wannan masallaci da kuma sulhuntawa da Al ummar musulmi na jihar dama kasa baki daya

A karshe Shehin Malamin ya karfafa musu gwuiwa kan Allah da kansa zai kare addinin sa daga makiya da azzalumai, dan haka wannan ba sabon Abu Bane a cikin addinin musulunci. Kuma musulunci shi ke da Nasara insha Allah.

Tawagar da ta rufawa shehin Malamin baya ta hada da; Sheikh (Dr) Kabiru Gombe, Sheikh Abubakar Giro Argungu, Engr. Mustapha Imam Sitti, Sheikh Aliyu Burga Azare, Sheikh Ibrahim kasuwar Bacci, Alaramma Ahmad Suleiman, Alaramma Nasiru Gwandu, da dai sauran su.

NO COMMENTS

LEAVE A REPLY